ATƏT-in Minsk Qrupunun həmsədrləri Bernar Fasie (Fransa), Robert Bradtke (ABŞ), İqor Popov (Rusiya) və ATƏT-in fəaliyyətdə olan sədrinin şəxsi nümayəndəsi Anjey Kaspşik gələn həftə regiona səfər edəcəklər. APA-nın məlumatına görə, səfərə Bakıdan başlayan həmsədrlər daha sonra İrəvan və Xankəndinə gedəcəklər. Səfərin əsas məqsədi işğal olunmuş ərazilərə səfər edəcək fakt-araşdırma missiyasının yaradılması ilə bağlı detalları müzakirə etməkdir.

Xatırladaq ki, Azərbaycan tərəfinin xahişi ilə Dağlıq Qarabağ və ətraf rayonlarda qeyri-qanuni məskunlaşma ilə bağlı fakt-araşdırıcı missiya yaradılacaq və həmsədrlərin də daxil olacağı bu missiya sentyabrda bölgəyə səfər edəcək.