ATƏT-in Minsk Qrupunun amerikalı həmsədri Robert Bradtke Bakıya gəlib. APA-nın məlumatına görə, bununla da, vasitəçilər tam heyətdə Bakıya toplaşıblar. Digər vasitəçilər Bernar Fasie (Fransa) və İqor Popov isə (Rusiya) sentyabrın 6-da Azərbaycan paytaxtında gəliblər. Vasitəçilər bu gün Azərbaycan rəhbərliyi ilə görüşlər keçirəcəklər. Bundan başqa, onlar bu gün qoşunların Tərtər cəbhəsindəki təmas xəttində keçiriləcək monitorinqi müşahidə edəcəklər.

Həmməruzəçilərin monitorinq zamanı təmas xəttinin qarşı tərəfinə keçməsi planlaşdırılır. Səfərin əsas məqsədi isə işğal olunmuş Dağlıq Qarabağ və ətraf rayonlarda qeyri-qanuni məskunlaşmanı araşdırmaq üçün yaranacaq fakt-araşdırıcı missiyanın detallarını müzakirə etməkdir. Sentyabrın 8-9-da vasitəçilər İrəvan və Xankəndində analoji görüşlər keçirəcəklər.